Ads Top

Bleduk Ngibing


Oleh: Asmodiwongso   

Ngibing, ngibing…..sukma ngibing atine mrinding….
Ya Alloh..ya Alloh……pangayomku sing tanpa tanding…
Ora lanang ora wadon….
Polisi, guru tekan bakul kopi tubruk…
Juragan, karyawan tekan tukang gawe spanduk
Kabeh ngibing sukmane, nembang batine, nyembah ragane

          Oooo….Kanjeng Maha Rohim….sing wis paring inyong batir sejagad
          Nek kumpul akehe ora mekakat….
          Mbekayu sing ora kemayu, mas-mas sing demen kopi panas….
          Ana sing klimis gayane sok manis, ana sing wangi tapi mandan mambu kemangi…
          Ora papa….kabeh akur kabeh sedulur….

Nikmat apa lagi yang akan kau dustakan……wahai Karyanto….
Isa dirungokna….dikagumi….dikeploki…angger ora dibalangi….
Ketemu batir sing ikhlas mbatiri…
Ketemu kanca sing ora pamrih ngancani….
Ora merga Karyanto ganteng, ora merga Karyanto gagah….
Mergane tresna wutah ing jeroning maiyah….

          Jewer kupingku ya Alloh, kethak bathukku….
          Aja nganti inyong dadi gumedhe….
          Rumangsa dadi sing paling pener sing paling bener…
          Rumangsa luwih apik, liyane bid’ah lan sirik….
          Panyuwunku ya Alloh, inyong tetep andhap asor….
          Disalahi ora nesu pilih ndlosor…..

Mergane inyong mung bleduk asale sekang lemah…
Sing ngarep-arep ngicipi nikmate jannah
Likuran Paseduluran….
Likur…likurrr….lingguh kursi lingguh klasa…..
Kabeh dade sedulur ora pandang umur…..

Ya Alloh Ya Robi….
Sukmaku ngibing…..
Slendange rukun paseduluran…..
Kendange shalawat lan adzan…..
Tembange tembang tresna kamanungsan…..


                                Ngisor Pelem, Jemuwah Kliwon
Kebangkitan Nasional 2016

Tidak ada komentar:

Diberdayakan oleh Blogger.