Ads Top

Geguritan

Sebuah tulisan dari seorang penggiat seni di gombong, walaupun berasal dari kota sebrang yaitu klaten. yang aktif sebagai penguri-uri kebudayaan, yaitu sebuah rumah budaya yang berada di Gombong. Roemah Martha Tilaar namanya, yang sudah berkiprah dalam kancah perbudayaan di kebumen kurang lebih 1 tahun ini. inilah salah satu persembahan tulisan bapak Sigit Tri Prabowo untuk likuran paseduluran (LP) yang dibacakan oleh mas Karyanto,  seorang komedian tak sengaja yang saat ini menjadi salah satu icon dari LP pada tanggal 27 Februari 2016

Jare Biyungku…..
Jare biyungku, ndesaku subur makmur..
Apa-apa gampang ditandur….
Senggon-nggon gampang gawe sumur….

Nang ndesaku, wong tani wis mesti uripe mukti….
Siki mbedhol budin, ngesuk ngunduh kethewel, mbesuke maning panen pari.

Ora ana wong keluwen, ora ana lumbung kosong, ora ana bocah mati kencoten.
Ndesaku pancen maen….wonge maen, sawahe maen, kaline maen, nganti kuburan uga maen.

Kuwe jare Biyungku….

Nang ndesaku, jare Biyungku, kabeh wong uripe rukun lan aman…
Ora ana wong tani rebutan banyu nganti bacok-bacokan…
Bocah enome ora kenal udud apa maning ndem-ndeman….

Kabeh sregep ngaji, saben dina, ora mung nek ana likuran….

Tapi siki, ndesaku ora patiya maen….

Sawah kalah karo perumahan, pabrik malah ana sing dadi hotel berbintang…

Jare nggo nyuguh tamu penting sekang Jakarta

Sing mbesuke bakale dadi petinggine pabrik semen nang kidul kana…

Nom-nomane siki pada bebeh ngaji….
Pilih nonton regae karo nggawani topi miring….
Gayane kaya bocah sekang metropolitan…

Ra ngertia tekan ngomah diomehi biyunge kon ngarit nang mburitan….

Pancen ndesaku ora patiya maen….

Timbang matun nang sawah luwih sregep rebutan bantuan….

Luwih seneng disebut wong miskin ndean…

Nek ora ngaku miskin ora keduman….

Tapi…batir lan sedulur sing ora patiya maen…..

Senajan ndesaku siki ora kaya sing diomongna Biyungku…

Inyong tetap bangga maring desane inyong…

Maen ora maen, inyong ora bakal kelalen…..



==Asmodiwongso

*   *   *

No comments:

Powered by Blogger.